Königin
Von Elisabeth Schmäh
I möcht so gern a Königin sei, bloß oimol in meim Leba,
möcht in so ra schene Kutsch
mei Hand zum Grueß erheba.
Wenn alles winkt und guckt auf mi, bejubelt und beneidet mi,
dann tät i gnädig nicka.
I möcht so gern a Königin sei,
bloß oimol in mei‘m Leba!
Da könnt mei G‘fühl, em Vogel gleich, hoch in dr Luft rumschweba.
Bekäm au in meim hoha Stand
no Gold und Silber in mei Hand!
Ganz lieblich tät i dankal
Jetzt lauf i schnell an d‘Uferstroß,
do wartet jedes Mädle,
da hangt der Korb au für mein Ball,
doch‘s Glück hangt am a Fädle.
I ziel, i wirf, i triff da nei!
Mei Glück könnt heut it größer sei!
Dr Ball liegt keck im Netzle
Jetzt bin i wirklich Königin,
zwar oimol bloß em Leba,
doch därf i in dr Nelkakutsch
mei Hand zum Grueß erheba.
Ballkönigin stoht auf dr Schärp,
Seehasafest drzua,
jetzt bin i wirklich Königin
jetzt hat mei Herz a Ruah.
